Siglir tar il cuntegn
Inhalt

Exteriur Paucs fugitivs vegnan da la Tirchia en Grezia

Il dumber dals fugitivs che van da la Tirchia en la Grezia è tschessà marcantamain. Las ultimas 24 uras hajan mo 18 migrants traversà la mar, quai communitgescha il stab per la crisa da fugitivs ad Athen.

Guadiacosta cun 3 uffants fugitivs.
Legenda: Las ultimas 24 uras han mo 18 migrants traversà la mar. Keystone

Il di avant eran quai anc 162. Glindesdi passà eran per l'emprima giada passa 320 migrants vegnids tramess enavos da las inslas Lesbos e Hios, quai en il rom da la cunvegna da fugitivs tranter l'UE e la Tirchia.

Tenor quella duain tut ils migrants ch'èn arrivads illegalmain en Grezia dapi ils 20 da mars vegnir tramess enavos en la Tirchia. Dapi che la ruta dal Balcan è vegnida serrada èn radund 53'000 fugitivs e migrads bloccads en Grezia.

RR novitads 12:00