Siglir tar il cuntegn
Inhalt

Exteriur Passa 50 schurnalists rapinads

Quest onn èn pli paucs schurnalists vegnids en ils mauns da rapinaders che l'onn passà. La fin da l'onn èn dentant dapli schurnalists ostagis.

chanvettas pendidas si en furma dals rintgs olimpics.
Legenda: En China smanatschan repressiun e praschun a schurnalists. Keystone

Il mument èn 54 schurnalist ostagis en l'entir mund. Quai communitgescha l'organisaziun «Reporters senza cunfin». Ella declera quai fatg cun ils cumbats pli intensivs en il Jemen.

Ils pli blers ostagis dettia dentant en la Siria, actualmain 26. La milissa terroristica «Stadi Islamic» tegna a ferm il mument 18 represchentants da medias.

Tenor l'organisaziun è il dumber da schurnalists arrestads sa reducì per 14% sin 153. Anc adina sajan schurnalists en la China, l'Egipta, l'Iran e l'Eritrea periclitai da repressiun e da praschun.

Indicaziuns davart il dumber d'unfrendas n'ha l'organisaziun anc betg fatg. Questas cifras preschenta ella la fin da december.

RR novitads 10:00