Siglir tar il cuntegn

Exteriur Passa 50 morts tar il naufragi d'in bastiment

Avant la mes’insla da Kamtschatka en l'ost da la Russia è in bastiment da pestga russ sfundrà. Almain 54 persunas èn mortas. Sco l’agentura da novitads russa Tass rapporta eran a bord dal "Dalni Wostok" en total 132 persunas. Anc 15 persunas valan sco sparidas.

carta geografica cun la Mar Ochotschka
Legenda: En la Mar Ochotschka è il bastiment sfundrà. (la mes'insla Kamtschaka è da vart dretga dal lieu d'accident) mad

Il bastiment era sin via cun in'equipa multinaziunala. 63 persunas han ins pudì spindrar. 15 persunas valan anc sco sparidas. Il bastiment saja sfundrà entaifer 15 minutas suenter ch'il local da maschina è vegnì inundà.

Nagin clom d'agid

La disgrazia è capitada en la Mar Ochotschka, en il nordost dal Giapun. Daco ch'il bastiment è sfundrà n'è anc betg enconuschent. L'equipa n'haja tramess nagin signal d'urgenza.

RR novitads 06:00