Siglir tar il cuntegn
Inhalt

Exteriur Passa 160 morts suenter bovas en Guatemala

Suenter las bovas desastrusas en la Guatemala crescha il dumber d’unfrendas adina dapli. Entant han ins chattà 161 baras. Quai communitgescha la procura publica.

Suenter grondas plievgias era il crest rut en 2 parts ed aveva sutterrà tschients persunas.
Legenda: Suenter grondas plievgias era il crest rut en 2 parts ed aveva sutterrà tschients persunas. Keystone

I na dettia strusch speranza da chattar survivents. Tuttina cuntinueschan las forzas da salvament cun lur lavur. En tut èn 1’800 persunas involvidas en ils sforzs da salvament.

Pauc speranza per 450 persunas sut las bovas

Almain 450 persunas valan actualmain anc sco sparidas. En general vala che las schanzas da surviver sa sbassan rapidamain suenter 72 uras sut ina bova. Il president statal da la Guatemala, Alejandro Maldonado, ha ordinà ina malencurada naziunala da 3 dis.

RR novitads 06:00