Siglir tar il cuntegn
Inhalt

Exteriur Partidas da l'opposiziun gudognan terren a Liechtenstein

Tar las elecziuns parlamentaras en il Principadi da Liechtenstein han las duas partidas da l'opposiziun pudì gudagnar terren sco avant 4 onns.

Il Landtag en il Principadi da Liechtenstein.
Legenda: Il Landtag en il Principadi da Liechtenstein. Keystone

Las duas partidas da la regenza vegnan dentant a pudair cuntinuar cun lur coaliziun malgrà che las partidas da l'opposiziun han pudì far bain terren. Pers 4,8% ha la partida da la regenza dad Adrian Hasler FBP. Cun bun 35,2% resta la FBP la forza politica la pli ferma, suandada da la partida da coaliziun Vaterländische Union che vegn sin 33,7% ed ha pudì s'augmentar per 0,2%.

Las partidas da l'opposiziun DU sco era FL èn perdapi quatter onns en il parlament. La DU ha cuntanschì 18,4% da las vuschs, 3,1% dapli che l'onn 2013. La FL ha survegnì 12,6% quai è in plus da 1,5%.

La coaliziun da la FBP e da la VU vegn manada vinavant. Discurs per talas cunvegnas da coaliziun vegnan manadas en il Principadi per regla l'emna suenter las elecziuns.

RR novitads 19:00