Il palpiri è vegnì elavurà cun l’agid da l’ONU e prevesa tranter auter da stgaffir ina regenza da l’unitad naziunala.
Dapi la cupitgada da Gadaffi regia ina guerra civila
«Oz è in di istoric per la Libia», da ditg l’incumbensà spezial da l’ONU Martin Kobler durant la suttascripziun festiva a Skhirat en il Maroc.
Dentant datti anc adina resistenza cunter la cunvegna. Dapi la cupitgada da l’anteriur regent Muammar al-Gadaffi il 2011 sfundra la Libia en ina guerra civila. Differentas milissas cumbattan ina cunter l’autra. Plinavant datti concurrenza tranter duas regenzas e parlaments: in parlament a Toburk è renconuschì internaziunalmain. L’auter parlament consista vegn dominà d’islamists e sa chatta a Tripolis. Profità dal chaos han extremists sco era la milissa da terror Stadi Islamic.
A l’entschatta d’in viadi stentus
Sco Kobler ha ditg, sto quai esser ina chaussa dal passà da duvrar violenza per cuntanscher finamiras politicas. Tuts pertutgads hajan fatg unfrendas. El ha exprimì la speranza che la suttascripziun dal plan da pasch saja l’entschatta d’in process da transit democratic. La Libia sa chattia a l’entschatta d’in viadi stentus.
RR novitads 16:00