Partida da Putin gudogna elecziuns en Russia

Suenter che 80% da las vuschs en dumbradas, vegn la partida «Russia unida» sin 54,3%. Las emprimas elecziuns dal parlament suenter che Putin è returnà en il Kreml a Moscau valan era gist sco barometer per la Russia. Malgrà la crisa economica resta la partida «Russia unida» al timun.

Putin dat la vusch en l'urna.

Legenda da maletgs: Las elecziuns dal parlament en Russia: Wladimir Putin votescha per sasez. Keystone

En Russia pudess la partida da la regenza gudagnar l'elecziun dal parlament cun ina maioritad anc pli gronda che spetgà. Suenter che passa 80% da las vuschs sajan dumbradas, vegnia la partida «Russia unida» sin passa 54,3% da las vuschs. Quai rapportan agenturas da novitads.

Ils communists ed ils naziunalists vegnan omadus mintgamai sin bun 14% da las vuschs. Ils liberals da sanestra pon quintar cun radund 6%. En la «Duma» fissan uschia las medemas partidas sco fin ussa. Nagina da questas partidas vala sco opposiziun.

En differents locals electorals vegn l'elecziun però repetida. I haja dà irregularitads Las elecziuns parlamentaras èn in impurtant barometer. Quai ha ditg il politolog Dimitri Trenin. Per el èn questas elecziuns gia uss in barometer per las elecziuns dal president previsas il 2018.

RR novitads 22:00