Siglir tar il cuntegn
cuntegn

Exteriur Partida da Macron ha bunas schanzas en il parlament

La nova partida pudess tenor in'enquista survegnir 310 enfin 330 dals 535 sezs.

Purtret dad Emmanuel Macron.
Legenda: Emmanuel Macron po guardar cun in surrir en il futur. Sias schanzas en il parlament èn bunas. Keystone

En la Frantscha ha la nova partida dal president Emmanuel Macron bunas schanzas da survegnir a las elecziuns ina maioritad en il parlament. Quai tenor in'enquista. «La Republique en marche» possia quintar cun 310 fin 330 dals 535 sezs en il parlament, rapporta la gasetta «Les Echos».

Ils conservativs vegnissan sin 140 fin 160 sezs ed ils socialists sin 25 fin 30. Macron spera sin ina ferma represchentanza en l'Assamblea naziunala per far refurmas cunter la dischoccupaziun e per dar schlantsch a la conjunctura. Las elecziuns parlamentaras èn ils 11 ed ils 18 da zercladur.

RR novitads 06:00