Siglir tar il cuntegn
Inhalt

Exteriur Parlament tirc annullescha immunitad da parlamentaris pro-curds

Cun la maioritad necessaria da dus terzs ha il parlament tirc decidì d'annullar l'immunitad da passa in quart da ses represchentants. La proposta è vegnida da la partida AKP da la regenza Recep Tayyip Erdoğan.

En il parlament tirc sesan 550 represchentants dal pievel.
Legenda: En il parlament tirc sesan 550 represchentants dal pievel. Keystone

373 dals 550 parlamentaris han sustegnì la proposta, quai rapporta la televisiun statala. La proposta sa drizza en spezial cunter la fracziun pro-curda HDP. Il president tirc rinfatscha a la fracziun ch'ella saja il bratsch prolungà da la partida da curds scumandada PKK. Pertutgads da l'annullaziun d'immunitad èn 138 commembers da tuttas 4 partidas da l'assamblea naziunala.

RR novitads 12:00