Exteriur - Parlament dat plenipotenza al president
En la Venezuela po il schef dal stadi Nicolas Maduro reger senza il parlament durant ils proxims 6 mais. Ina maioritad dals socialists en il parlament ha approvà la plenipotenza speziala.
Ils Stadis Unids han declera la Venezuela sco privel naziunal, quai saja l’argument per quest decret spezial. Pervi da questas smanatschas dals Stadis Unids saja la nova lescha necessaria per proteger la pasch e la stabilitad uschia Maduro. Gia il november 2013 aveva il president laschà dar la plenipotenza speziala per in onn.
