Parlament da l’UE vul mecanissem permanent per reparter fugitivs

Il parlament da l'UE sustegna la cumissiun en la dispita davart la politica da fugitivs. Il parlament ha approvà cun gronda maioritad la proposta d'endrizzar in mecanissem permanent da reparter ils fugitivs.

Di per di vegnan adina dapli fugitivs en l’Europa.

Legenda da maletgs: Di per di vegnan adina dapli fugitivs en l’Europa. Keystone

El è cleramain per ina clav da reparter ils fugitivs sin tut ils 28 pajais commembers. Las represchentantas ed ils represchentants èn era pronts da discutar davart in sboz da lescha per accelerar la procedura d'asil. Vitiers pretenda il parlament da l'UE dapli pussaivladads legalas d'immigraziun per exempel visums umanitars.

Er la Svizra duai sa participar

La cumissiun da l'UE vuless era ina participaziun da la Svizra a questa repartiziun. Quai resorta d'ina proposta da Brüssel ed è anc da discutar cun ils stadis pertutgads. I saja dentant cumplitgà hai gì num.

RR novitads 17:00