Siglir tar il cuntegn

Header

Navigaziun

Glieud che festivescha il di naziunal da la Catalugna ils 11 da settember.
Legenda: Ils 11 da settember vegn festivà il di naziunal da la Catalugna. Keystone
cuntegn

Exteriur Parlament catalan vul votar sur da l'independenza

Ils deputads han decis da laschar votar il pievel il pli tard fin il settember 2017 sur da l'independenza da la Spagna.

Uschia è il parlament suandà a la proposta dal president da la regiun Carles Piugdemont, che aveva proponì da far il referendum era senza il consentiment da la regenza spagnola.

L’onn passà aveva la dretgira constituziunala da la Spagna refusà a la Catalugna da tegnair ina votaziun da referendum sur d’ina independenza. Sco reacziun sin questa decisiun avevan 41'000 voluntaris lantschà in referendum simbolic.

Ils Catalans sa sentan gia dapi tschientaners opprimids da Madrid. Ils onns 70 han els bain cuntanschì dretgs d'autonomia. Per blers na tanschan quels dentant betg. La crisa economica en Spagna ha sustegnì la pretensiun dals Catalans da daventar independents. Sco regiun plitost ritga sustegna la Catalugna cun ses daners da taglia las regiuns pli flaivlas.

RR novitads 06:00