Siglir tar il cuntegn

Header

cuntegn

Exteriur Parlament ad Athen approvescha il pachet da spargn

Il parlament ad Athen ha approvà questa notg in pachet da leschas cun pretensiuns da spargn e da refurmas dals crediturs internaziunals, quai cun 229 cunter 64 vuschs.

En il medem mument ha la coaliziun dal schef da la regenza, Alexis Tsipras pers sia maioritad da regenza e po mo pli star en uffizi sco regenza da minoritad, pertge 32 delegads da l'atgna partida han votà cunter las refurmas.

Enfin ussa dumbrava la coaliziun da regenza 162 da 300 parlamentaris.

Meimarakis è cuntent

Tenor il schef da l'opposiziun en la Grezia, Evangelos Meimarakis da la Nea Dimokratia, saja l'approvaziun dal pachet da spargn la dretga resposta a l'Europa. Elecziuns novas na sajan nagin'opziun per el. Sia partida na vegnia er betg a pretender in votum da disfidanza, malgrà che la regenza da Tsipras ha pers sia maioritad en la votaziun davart il program da spargn.

RR novitads 06.00

Artitgels legids il pli savens