Park Geun Hye duai ir

En la Corea dal Sid han da novamain 100'000 da persunas demonstrà cunter cunter la president da stadi Park Geun Hye.

Purtret d'ina fulla da glieud che demonstrescha e tegn placats.

Legenda da maletgs: Cun chapitschas da Son Niclà han bleras persunas demonstrà a Corea. Reuters

La polizia n'haja fatg naginas indicaziuns tar il dumber dals demonstrants. Ils organisaturs han discurrì da dapli che 550'000 persunas ch'èn stadas a la demonstraziun. Il parlament ha gia l'entschatta dal mais decidì da relaschar Park da ses uffizi.

Cun la decisiun dal parlament è ella bain relaschada dal post, ma ella mantegna anc il titel da presidenta dal stadi. Perquai vulan ils demonstrants ch'ella sa retiria. La dretgira ha numnadamain 180 dis temps da decider davart la relaschada. Pir lura è la decisiun definitiva.

A Park vegn renfatschà corrupziun. En il center da quest cas da corrupziun stat ina persuna da vonfidenza da Park. La dunna duai avair nezegià sias relaziuns cun Park per s'enritgir entras donnaziuns ch'ella ha pudì organisa grazia a lezza. Plinavant vegn renfatschà ad quella persuna d'avair sa mischedà en fatschentas da la regenza. Ella è il mument en praschun e Park vegn suspectada en quest cas.

RR novitads 20:00