A Nicolas Sarkozy vegn rinfatschà dad avair surpassà durant ses cumbat electoral l'onn 2012 massivamain la limita da daners che dastgan vegnir duvrads per in cumbat electoral. La limita è tar 22,5 milliuns euros.
Per zuppentar il malfatg duai sia partida - la partida conservativa - avair creà in sistem da quints fauss. Tras quel sistem duai ella avair pajà radund 15 milliuns euros vi dal cumbat electoral.
Nicolas Sarkozy accusà cun 13 auters
Il derschader Serge Tournaire ha accusà a Sarkozy e 13 autras persunas. Tranter dad ellas èn anteriurs responsabels da la partida, organisaturs dal cumbat electoral e collavuraturs da l’interpresa da communicaziun Bygmalion.
Penelopegate: L'autra affera ch'occupa la partida republicana
Sarkozy era svanì il november passà dal palc politic, suenter avair fatg naufragi en il process da candidatura per il presidi franzos.
La pre-elecziun tar la partida conservativa dals republicans aveva gudagnà François Fillon. Fillon è vegnì en il fratemp sut squitsch pervi dad in’affera da pseudo-occupaziun, enconuschenta sut il num Penelopegate.
RR novitads 11:00