Siglir tar il cuntegn
cuntegn

Exteriur Paris: Mantuns da rument pervi da chauma

Las autoritads da Paris han engaschà camiuns da rument privats pervi da la chauma.

Plunas da rument decoreschan las vias a Paris - qua davant in Starbucks Coffee
Legenda: Plunas da rument decoreschan las vias a Paris. Reuters

En bleras parts da la citad da Paris è s'emplunà il rument perquai ch'ils lavurants che han da rimnar il rument fan chauma dapi mesemna. La presidenta da Paris, Anne Hidalgo, ha empermess che tut il rument vegnia allontanà. Els dovrian dentant in pèr dis.

Pervi da diversas chaumas en la Frantscha - tranter auter era tar las viasfiers - tema la regenza franzosa in grond donn da reputaziun durant l'Euro 2016. Sch'i saja necessari vegnan ins a sfurzar ils lavurants da las viasfiers da transportar ils fans dal ballape.

RR novitads 14:00