Siglir tar il cuntegn
Inhalt

Exteriur Paris: manischunz da l'auto arrestà

La damaun è in auto charrà cun intenziun en ina gruppa da schuldads. Sis schuldads sajan vegnids blessads, dus grevamain a Levallois-Perret. In um che charrava cun l'auto tschertgà è vegnì arrestà.

Schuldada segirescha il lieu da l'accident.
Legenda: Schuldada segirescha il lieu da l'accident. Keystone

L'um saja vegnì arrestà sin l'autostrada che va da Paris envers la Frantscha dal nord, quai è vegnì confermà a l'agentura da novitads tudestga DPA ord circuls da la giustia. In emettur da radio ha rapportà che l'um suspectà saja vegnì blessà tar l'arrestaziun.

Tenor la polizia è l'auto charrà cun intenziun en la gruppa da schuldads che vegniva ord ina caserna. Sco quai che medias franzosas rapportan, sajan ils schuldads blessads commembers da l'uschenumnada «Opération Sentinelle» che cumbatta il terrorissem.

Tschernì il lieu sapientivamain»

L'attatga sin la gruppa da schuldada è capitada a Levallois-Perret en la vischinanza da Paris. Tenor il burgamester haja l'attatgader tschernì quel sapientivamain perquai ch'il servetsch secret da l'intern haja là sia sedia principala. Il servetsch secret da l'intern gioga in'impurtanta rolla en il cumbat cunter il terrorissem.

RR novitads 10:00