Siglir tar il cuntegn

Header

cuntegn

Exteriur Paris annunzia ina midada da la regenza

Suenter las elecziuns dal parlament en Frantscha cun ina maioritad absoluta per il president, Emmanuel Macron annunzia Paris ina midada da la regenza. Quella vegnia però ad esser pitschna e plitost da natira tecnica.

Il primminister, Eudouard Philippe duai restar a la testa, uschia il pledader da la regenza. La regenza da fin qua vegnia a sa retrair en il decurs dal di, la nova duai vegnir nominada aifer ils proxims dis.

Tenor las ultimas cifras vegn la partida da Macron sin 350 dals 577 sezs en il parlament. Quai èn pli paucs che spetgà, dentant anc adina ina maioritad absoluta. Las partidas conservativas dals republicans han survegnì 137 sezs ed ils socialists enturn l'anteriur president, François Hollande han be pli 45 sezs.

Republicans e Socialists han manà sur decennis la politica en Frantscha. Ma er la partida populista da dretg da Marine Le Pen ha dumagnà d'entrar il parlament. En tut ha il Front National uss 8 sezs, dentant na tanscha quai betg per in'atgna fracziun.

RR novitads 12:00

Artitgels legids il pli savens