Siglir tar il cuntegn
Inhalt

Exteriur Para sappian terrorists zuppar bumbas en laptops

Tenor investigaders americans hajan terrorists sviluppà metodas da zuppar material explosiv en laptops ed auters apparats electronics. Il material explosiv na possia probabel betg vegnir chattà cun ils scanners tar las controllas da segirezza da las plazzas aviaticas.

Purtret d'in laptop ed in tablet durant ina contolla al port aviatic.
Legenda: Ils Stadis Unids e la Gronda Britannia han fatg pli severas las leschas per sgular. Keystone

Plirs emetturs da televisiun americans rapportan davart organisaziuns da terror che hajan para sviluppà metodas da zuppar material explosiv en laptops ed auters apparats electronics. Quels na pon para betg vegnir chattads dals scanners tar controllas da segirtad da las plazzas aviaticas. Il ministeri da l'intern american n’ha betg confermà las indicaziuns. Ma i dettia indizis ch’organisaziuns da terror hajan l’aviatica civila en mira, conferma il ministeri da l'intern american.

Las enconuschientschas novas declerassan daco ch’ils Stadis Unids e la Gronda Britannia han rinforzà las reglas sur d’apparats electronics a bord d’aviuns, scrivan las agenturas da novitads.

RR novitads 12:00