Exteriur - Para evità attatga terroristica a Frankfurt
Datiers da Frankfurt, en Germania, ha la polizia para evità ina attatga terroristica. Sco la procura publica da Frankfurt ha communitgà hajan ins arrestà in um ed ina dunna.
En l’abitaziun dals suspectads hajan ins confiscà ina bumba, sco era ulteriuras armas. Il pèrin era curda si a la polizia pervi ch’els avevan cumprà bler material per fabritgar bumbas.
Anc intschert è sch’ina bumba dueva vegnir deponida a la cursa da velo previsa venderdi. Suenter la scuverta da la bumba è la cursa vegnida dada giu ha l’uffizi criminalistica da Hessen communitgà.
