Durant sia messa da Nadalnotg a Roma ha papa Francestg regurdà a persunas che pateschan. Millis da cartents èn s'inscuntrads en ed avant il dom da Son Peder per tadlar il predi dal papa.
El ha regurdà da l’istorgia da Nadal e da l'uffant en il parsepen ed ha però era fatg allusiun als uffants che na possian il mument betg esser en ina tgina: a quels che sajan naschids durant guerras, en povradad u en fugia.
Oz da mezdi vegn papa Francestg ad annunziar ses messadi da Nadal e benedir Roma e l’entir mund cun ses «Urbi et Orbi».
RR novitads 06:00