Siglir tar il cuntegn
Inhalt

Exteriur Papa: Islam n’è betg da metter a pèr cun violenza

Suenter l’ultima attatga terroristica sinà ina baselgia en Frantscha ha papa Francestg avertì da metter a pèr l’islam cun violenza. El na veglia betg discurrer da violenza islamistica, ha el ditg sin ses sgol da la Pologna enavos en il Vatican.

Il papa durant ses pled en l'aviun sin viada enavos en il Vatica.
Legenda: I saja fauss d'identifitgar l'islam cun violenza. Reuters

El na craja betg ch’i saja gist d’identifitgar l’islam cun violenza. En mintga religiun dettia quai pitschnas gruppas da fundamentalists. Er persunas catolicas commettian crims. Betg tut ils muslims sajan violents.

«Nagina autra opziun»

Il papa ha punctuà che tenor el na saja betg la religiun saja la forza motorica davos ils acts da violenza. Umans giuvens sa collian al terrorissem, sch’els hajan nagina autra opziun.

L’emna passada avevan dus islamists mazzà in spiritual en ina baselgia en il nord da la Frantscha. La polizia aveva sajettà giu omadus attatgaders.

RR novitads 09:00