Il papa aveva fatg ina messa ensemen cun l’uvestg anglican Robert Innes per il 200avel giubileum da la baselgia anglicana a Roma. Là saja il papa vegnì supplitgà dals uvestgs da la baselgia anglicana da visitar il pajais ensemen cun il timun da la baselgia anglicana, l'archuvestg da Canterbury, Justin Welby.
Quai ha ditg il papa sez. Cura che quella visita vegn dentant ad esser, n'ha el betg ditg. Las Naziuns Unidas han proclamà ch’i regnia fomaz en parts dal Sudan dal Sid. Radund 100’000 persunas sajan en privel da vita acut. En tut il pajais èn smanatschadas radund in milliun persunas dad ina crisa da fom.
RR novitads 07:00