Siglir tar il cuntegn
cuntegn

Exteriur Papa Francestg tegna messa gronda cun passa 100’000 giuvenils

Cun ina messa gronda ha Papa Francestg ensemen cun plirs 100’000 cartents festivà la finiziun dal «Di internaziunal da la giuventetgna» a Krakau en la Pologna. Ils organisaturs han discurrì da passa in milliun persunas ch'èn sa participadas a la messa da la dumengia.

Papa Francestg.
Legenda: Il papa di uss adia a la Pologna. Keystone

L'ultima staziun da Papa Francestg sin ses viadi en Pologna era il «Di internaziunal da la giuventetgna» a Krakau. Avant 100'000 persunas ha il papa celebrà la messa festiva da la dumengia. Las mesiras da segirezza èn stadas rigurusas, quai durant l'entir temp da visitiva dal papa en Pologna.

Era ad Auschwitz ha papa Francestg fatg visita e commemorà las unfrendas dal Holocaust. En ses emprim pled en Pologna aveva Papa Francestg fatg attent la Pologna da recepir dapli fugitivs.

RR novitads 12:00