Siglir tar il cuntegn
cuntegn

Exteriur Papa Francestg ha declerà sontg 35 catolics

35 catolics èn vegnids declerads sontg da papa Francestg. Els eran tranter auter daventads unfrendas da guerras religiusas. Els hajan deditgà lur vita a Jesus ha ditg il papa davant 35'000 cartents sin la plazza da Son Peder a Roma.

Papa Francestg hja declerà sontg 35 catolics a Roma.
Legenda: Papa Francestg hja declerà sontg 35 catolics a Roma (maletg d'archiv). Keystone

Da las 35 persunas ch’èn vegnidas decleradas sontgas sa tracti da persunas da l’America Latina, la Spagna e l’Italia.

Tranter auter èn trais martirs d'uffants dal Mexico vegnids declerads sontgs. Là èn Cristóbal, Antonio e Juan patruns per ils uffants. Plinavant è il conventual Faustino Míguez da la Spagna ed il chaputschin Angelo da Acri da l'Italia vegnì declerà sontg.

Sinoda dals uvestgs

Ultra da quai ha papa Francestg annunzià da convocar ina sinoda dals uvestgs en dus onns a Roma. Tema principal vegnia ad esser la situaziun dals cristifidaivels en la regiun da l’Amazonas.

RR novitads 14:00