Siglir tar il cuntegn
Inhalt

Exteriur Papa Francestg è s'exculpà tar fugitivs Rohingya

Cun visitar ina chasa d'orfens e malsauns ha Papa Francestg finì ses viadi en l'Asia. En il center dal viadi è stada la crisa dals fugitivs Rohingya.

Papa tegn il maun sin il tgau dad ina mattatscha.
Legenda: Papa Francestg s'exculpescha tar ils fugitivs Rohingya. Keystone

Suenter la visita da la chasa d'orfens ha el fatg in pled en ina baselgia vischinanta. Il papa ha discurrì libramain e ditg per spass ch'el na sappia betg sch'il pled saja tras quai megliers, dentant per franc pli pauc lungurus.

Papa Francestg s'exculpescha tar la minoritad dals Rohingya

En il center da la visita da Myanmar e Bangladesch è cunzunt stà la crisa dals fugitivs Rohingya. Il venderdi ha papa Francestg entupà 16 Rohingya e dumandà els per perdun en vista a l'indifferenza mundiala. Durant quest inscunter aveva el per l'emprima giada sin quest viadi pronunzià publicamain il pled Rohingya.

RR novitads 12:00