Siglir tar il cuntegn

Exteriur Papa Francestg dat la benedicziun «Urbi et Orbi»

Papa Francestg regorda durant la Messa da Nadalnotg al mal dals fugitivs. El appellescha ad amur per il proxim ed ospitalitad. Persunas persequitadas e stgatschadas duessan vegnir retschavidas cun mauns averts.

Papa Francestg cun il intschains.
Legenda: Papa Francestg durant la messa da Nadalnotg en il dom da Son Pieder a Roma. Reuters

Sco Maria e Giusep sajan oz milliuns persunas sfurzadas da bandunar lur patria, perquai ch'ellas vegnan stgatschadas ord lur pajais, ha ditg il Pontifex argentin. Plinavant dastgia nagin avair il sentiment da betg avair in plaz en quest mund. Cun quels pleds è il papa s'exprimì en per in nov'idea dal social.

A Betlehem a il manader dal patriarcat latin da Jerusalem, l'archuvestg Pierbattista Pizzaballa, crititgà l'unilaterala decisiun dals Stadis Unids da renconuscher Jerusalem sco chapitala da Israel.

Messadi da Nadal

En ses messadi da Nadal è papa Francestg sa referì a la crisa da Jerusalem.

Nus urain, ch'ils contrahents hajan la veglia, da puspè prender si ils discurs davart il status da la citad, e ch'ins chattia finalmain ina soluziun che lubeschia ina coexistenza paschaivla da dus stadis.
Autur: Papa Francestg

Da la loggia en la curt dal dom da s. Peder è papa Francestg sa drizzà als cartents sin l'entir mund. Suenter il messadi da Nadal ha el dà la benedicziun papala «Urbi et Orbi».

RR novitads 09:00