Siglir tar il cuntegn
cuntegn

Exteriur Panica da massa cun morts en l'India

Pervi d'ina panica da massa durant ina festa da Hindus èn almain 29 persunas mortas en l'India. Numerus pelegrins sajan vegnids blessads, ha communitgà la polizia d’Andhra Pradesh.

Panica da massa durant la festa.
Legenda: Tenor indicaziuns uffizialas èn las bleras unfrendas dunnas. Keystone

La panica haja cumenzà durant ina festa, nua che millis Hindus hajan fatg bogn en il flum sontg Godavari. I haja dà in chatschim tranter crettaivels ch'eran gia en il flum ed auters che vulevian ir en l'aua.

Ina festa ch’empermetta fortuna

La festa «Godavari Pushkaralu» ha lieu be mintga 12 onns. Quest onn sajan las stailas en ina posiziun fitg avantagiusa. Perquai empermettia in bogn en il flum questa giada uschè blera fortuna sco be mintga 144 onns.

RR novitads 14:00