Il retg da la Jordania Abdullah II smanatscha cun pass giuridics. Quai suenter las publicaziuns or dals uschènumnads «Pandora Papers». Tenor las retschertgas dad ina rait internaziunala da schurnalists ha Abdullah dà ora passa 100 milliuns dollars per immobiglias en ils Stadis Unids e la Gronda Britannia tranter il 2003 ed il 2017.
La gasetta «Washington Post» ch'ha participà a las retschertgas scriva, che l'origin dals daners na saja betg clera. Abdullah da sia vart ha laschà far a savair che las immobiglias a l’ester na sajan betg secretas e ch’ellas na sajan betg vegnidas cumpradas cun daners publics ma privats.
