Siglir tar il cuntegn
Inhalt

Exteriur Panama Papers: Sentenzia fitg negativa per regenzas europeicas

Pliras regenzas europeicas èn tenor ina inquisiziun daventadas cumplizias da lavaders da daners che han agì a Panama.

Bandiera da Panama
Legenda: In'inquisiziun ha prendì sut la marella ils cas en connex cun ils Panama Papers. Keystone

Pliras regenzas europeicas sajan daventadas cumplizias da lavaders da daners ed evitaders da taglia. Quai è il parairi da la giunta d'inquisiziun dal parlament europeic tar ils uschenumnads Panama Papers. Els han fatg inquisiziuns da bun 18 mais.

Ina mancanza da la veglia politica en intgins pajais haja insumma pussibilità cugliunaria ed omissiun fiscala. La giunta era vegnida en acziun suenter che schurnalists avevan discuvert numerusas fatschentas illegalas en l'oasa da taglia Panama.