Siglir tar il cuntegn
cuntegn

Exteriur Panama Papers: il minister da commerzi spagnol sa retira

Ils uschenumnads Panama Papers han era consequenzas persunalas en la Spagna. Il minister da commerzi Jose Manuel Soria sa retira immediat da ses uffizi, quai ha el communitgà. Cunter il minister da commerzi spagnol datti renfatschas en connex cun firmas da chascha da brevs a Panama ed a Jersey.

purtret da Juan Manuel Soria, minister da commerzi spagnol
Legenda: Juan Manuel Soria sa retira, refusescha dentant las renfatschas. Keystone

Soria refusescha questas renfatschas. Cun sia demissiun veglia el però evitar che sia partida vegnia anc donnegiada dapli – argumentescha il politicher sia decisiun. El sa retira er sco represchentant e sco president da la partida conservativa PP.

La partida è dapi intgin temp sut squitsch pervi da pliras afferas da corrupziun. A las elecziuns il december passà aveva la PP fatg las pli bleras vuschs, entant pers la maioritad absoluta. Ils socialists emprovan da furmar ina coaliziun da regenza ed il primminister Mariano Rajoy administrescha sulet anc las fatschentas. Rajoy quinta cun il naufragi da la coaliziun e cun elecziuns novas ils 26 da zercladur.

RR novitads 11:00