Siglir tar il cuntegn
Inhalt

Exteriur Panama: Anteriur dictatur Noriega (83) è mort

LManuel Noriega, l'anteriur dictatur dal stadi da l’America Centrala, è mortla notg sin mardi en la vegliadetgna da 83 onns en l’ospital. Quai ha communitgà la regenza da Panama.

Il dictatur militar Manuel Noriega l’onn 1989.
Legenda: Il dictatur militar Manuel Noriega l’onn 1989. Keystone

Il mars era Manuel Noriega vegnì operà pervi dad in tumor cerebral. Dapi lura era el en l’ospital nua ch’el è mort uss en la vegliadetgna da 83 onns. Quai ha communitgà il secretari da communicaziun dal Panama Manuel Dominguez sin dumonda da l’agentura da novitads franzosa AFP.

Noriega aveva guvernà il pajais da l’America centrala dal 1983 fin a l’invasiun americana il 1989 sco dictatur militar. Pervi da ses contacts cul cartel da drogas da Medellin en Columbia han ses anteriurs alliads, ils Stadis Unids, cupitgà Noriega cun l’intervenziun militara «Just Cause» da ses post.

L'onn 2016 era la Panama vegnida en il curs da l'affera enturn ils «Panama Papers» en las lingias grassas sin tut il mund.

RR novitads 08:00