Siglir tar il cuntegn
cuntegn

Exteriur Palestinais: «Nus ans laschain betg metter sut squitsch»

Ils Palestinais na vulan betg laschar metter sut squitsch da las smanatschas da Donald Trump. Il president american aveva smanatschà da franar ils daners d'agid.

Bandiera dals palestinais.
Legenda: Trump haja sabotà lur cumbat per libertad, pasch e giustia. Keystone

«Nus n'ans laschain betg metter sut squitsch», ha ditg la pledadra da l'organisaziun per la liberaziun da la Palestina PLO Hanan Aschrawi. Donald Trump n'haja sabotà sez lur stentas per pasch, libertad e giustia.

Donald Trump aveva avertì ils Palestinais da franar ils daners d'agid perquai ch'els na veglian betg negoziar per la pasch cun l'Israel. Tenor la pledadra fetschia el uss responsabels ils Palestinais per las consequenzas da sia decisiun irresponsabla. Entschatta december aveva il president reconuschì Jerusalem sco chapitala da l'Israel.

RR novitads 09:00