Siglir tar il cuntegn
cuntegn

Exteriur Palestinais interrumpan tuttas relaziuns cun l'Israel

Tar confruntaziuns al Munt dal Tempel a Jerusalem han almain trais persunas pers la vita. L'areal vegn ussa segirà da detecturs da metal.

Il crap da da stgarpitsch: il Munt dal Tempel a Jerusalem.
Legenda: Il crap da da stgarpitsch: il Munt dal Tempel a Jerusalem. Keystone

Ils Palestinais rumpan giu tut ils contacts cun Israel pervi da las dispitas al Munt dal Tempel. Quai ha il primminister Mahmud Abbas annunzià suenter ina sentupada da crisa cun sia regenza.

Confruntaziuns cun trais morts

Tar confruntaziuns sin il Munt dal Tempel a Jerusalem han almain trais Palestinais pers la vita suenter l'oraziun da venderdi, quai tenor indicaziuns da las autoritads da sanadad palestinaisas. Per evitar ulteriura violenza ha l'Israel lubì l'access al Munt dal Tempel mo pli ad umens sur 50 onns ed a tut las dunnas, quai è vegnì communitgà da la polizia israeliana. L'areal vegn ussa surveglià cun detecturs da metal.