Siglir tar il cuntegn

Header

Navigaziun

Er a Bethlehem hai dà confruntaziuns violentas tranter Palestinais e l'armada.
Legenda: Er a Bethlehem hai dà confruntaziuns violentas tranter Palestinais e l'armada. Keystone
cuntegn

Exteriur Palestinais cloman a «venderdi da revoluziun»

En l'Israel ed ils territoris palestinais han las organisaziuns palestinaisas clamà ad in «venderdi da revoluziun». En la Cisjordania ed en la Strivla da Gaza duai quai dar demonstraziuns suenter l'uraziun dal venderdi muslim.

A Nablus han radund 100 Palestinais empruvà d'attatgar la fossa da Josef. Els hajan bittà coctails da molotow cunter il sanctuari. Quai communitgescha l'armada israeliana. Ina part dal sanctuari haja piglià fieu avant che forzas da segirezza palestinaisas hajan pudì chatschar enavos ils demonstrants.

Er en las citads da Bethlehem e Ramallah hai dà confruntaziuns violentas tranter Palestinais e l'armada.

Netanjahu vul s'inscuntrar cun Abbas

En vista a l'unda da violenza è il primminister da l'Israel, Benjamin Netanjahu, pront da s'inscuntrar cun il president palestinais Mahmud Abbas. El veglia s'inscuntrar cun ils manaders arabs per franar la violenza ha ditg Netanjahu.

RR novitads 12:00