Siglir tar il cuntegn

Header

cuntegn

Exteriur Pakistan – il minister da giustia è sa retratgs da ses uffizi

Suenter massivas protestas e bloccadas da pliras emnas è il minister da giustia sa retratgs.

Ils millis protestants avevan pretendì la retratga dal minister Zahid Hamid. Ad el vegn renfatschà blasfemia. Tenor ils demonstrants ha el midà il text per l’engirament, che tut ils parlamentaris han da far, en favur da la minoritad religiusa dispitaivla Ahmadi. Il pievel da Pakistan renconuschan betg ils Ahmadis sco muslims.

Cunvegna tranter demonstrants e la regenza

Gasettas rapportan che la retratga dal minister saja ina cunvegna tranter demonstrants e la regenza. Plinavant duai dar ina procedura d’inquisiziun cunter quels ch’èn responsabels per il text d’engirament midà giu. Ed era demonstrants arrestads duain vegnir libers. Uschia para la regenza dad ir en sin las pretensiuns dils demonstrants.

Ils protests cuzzan gia dapi ils 8 da november ed han chaschunà sis morts e bun 200 blessads.

RR novitads 07:00

Artitgels legids il pli savens