Siglir tar il cuntegn

Header

video
Pakistan: Aviun crudà en zona d'abitar
Or da SRF News dals 22.05.2020.
laschar ir. Durada: 52 Secundas.
cuntegn

Pakistan Aviun crudà en zona d'abitar

En il sid dal Pakistan è in aviun da passagiers crudà giu. A bord eran var 100 passagiers, quai ha communitgà l’autoritad aviatica pakistana.

L'aviun da la Pakistan International Airline è crudà giu paucas minutas avant sa tschentar datiers da la citad da Karatschi.

Era chasas en ina zona d’abitar sajan vegnidas donnegiadas.

Almain 15 persunas ch’èn vegnidas salvadas ord ils bajetgs donnegiads sajan vegnidas transportadas en in ospital da la citad.

Annunzià problems tecnics

L’aviun ch’è stà sin via da Lahora a Karatschi haja transportà 99 passaschiers ed 8 commembers da squadra. Il pilot haja annunzià al tower d’avair problems tecnics. Perditgas han raquintà a la telvisiun locala d'avair vis in aviun ch'ha fatg rundas enturn la plazza aviatica avant che cupitgar.

RTR novitads 14:00

Artitgels legids il pli savens