Siglir tar il cuntegn

Header

cuntegn

Exteriur Pakistan: Almain 140 morts tar in grev accident

In inferno da flommas suenter in accident en il Pakistan chaschuna dapli che 140 unfrendas. Var 90 persunas èn vegnidas blessadas.

Suenter ch'in camiun che transportava benzin ha gì in accident en il Pakistan èn pli che 140 persunas mortas en las flommas. E da las 90 persunas blessadas hajan bleras grevas arsentadas, uschia ch'i saja da temair ulteriuras unfrendas. Quai rapportan medias dal Pakistan che sa referischan sin las forzas da salvament.

Suenter ch'il camiun-cisterna era cupitgà ed aveva pers benzin saja blera glieud dal conturn vegnida ensemen per rimnar il benzin, scrivan las medias.

RR novitads 09:00++

Artitgels legids il pli savens