Siglir tar il cuntegn
Inhalt

Exteriur Orient proxim: armada israeliana ha mazzà in pur

En la Strivla da Gaza ha l’armada israeliana mazzà in Palestinais. I sa tractia d'in pur che saja vegnì mazzà cun in projectil d’in tanc. Quai gia avant che las demonstraziuns annunziadas han cumenzà.

Tancs.
Legenda: In projectil d'in tanc ha mazzà il pur. (maletg simbolic) Keystone

Curt avant ils protests da massa planisads è in pur palestinais vegnì mazzà da l’armada israeliana en la Strivla da Gaza il venderdi. In'ulteriura persuna è vegnida blessada entras la sajettada or d'in tanc.

L’armada da l’Israel n’ha betg prendì posiziun en chaussa. Las circumstanzas da l’incident stoppian anc vegnir scleridas.

Protests annunziads

Organisaziuns palestinaisas avevan annunzià da protestar durant sis emnas al cunfin. Quai davent dal venderdi. Ellas vulan demonstrar per il dretg da fugitivs palestinais da turnar en regiuns ch’appartegnan uss a l’Israel.

RR novitads 10:00