Siglir tar il cuntegn

Header

cuntegn

Exteriur Opposiziun gudogna elecziuns en la Nigeria

La cumissiun electorala da la Nigeria ha declerà il candidat da l’opposiziun, Muhammadu Buhari, sco nov president. Buhari haja cun 15,42 milliuns vuschs survegnì 2,57 milliuns vuschs dapli ch’il president actual Goodluck Jonathan.

Buhari ha empermess da vulair cumbatter la corrupziun e da vulair cumbatter la gruppa terroristica Boko Haram.

Il president actual, Goodluck Jonathan, ha uffizialmain concedì sia terrada. Sco el ha ditg a las medias, haja el gratulà a ses cuntracandidat Muhammadu Buhari. Vinavant ha Jonathan ditg ch’el vegnia a sustegnair il nov president.

RR novitads 8:00

Artitgels legids il pli savens