La pandemia da corona pudess tutgar la Grond Britannia anc pli fitg che l'Italia. Tenor experts saja il servetsch da sanadad statal britannic fitg surchargià, e la mancanza d'apparats da respiraziun fetschia medemamain quitads. Critichers renfatschan plinavant a Boris Johnson ch'el haja pers bler temp prezius cun ses vi e nà.
Il virus ha cuntanschì l'entir pajais. In medi britannic ha ditg a l'emettur da televisiun Sky, ch'el e ses collegas stoppian en l'avegnir prender decisiuns sur da vita e mort. Quai muntia era da reparter ressursas sulettamain a questas persunas cun las pli grondas schanzas da surviver.
audio
Per tadlar: Las novitads da las 12.00
ord Novitads dals 21.03.2020.
Maletg: RTR
laschar ir. Durada: 6 minutas 25 Secundas.