Siglir tar il cuntegn

Exteriur Onuraziun per Miss Piggy

La figura da la Muppet Show, Miss Piggy survegn in renumà premi da feminista. La portga rosa da la Muppet Show survegnia il Sackler Center First Award da quest onn. Quai ha communitgà il museum da Brooklyn a New York.

Las figuras da la Muppet Show, Kermit e Miss Pigggy
Legenda: Ella vegn a schluppar da la luschezza: Miss Piggy vegn onurada en preschientscha da Kermit. Keystone

L'onuraziun va a dunnas che han surmuntà barrieras da schlattaina e che han prestà en lur branscha contribuziuns impurtantas.

Er la purtadra dal premi nobel per litteratura, Toni Morrison ha gia survegnì quest premi.

Miss Piggy duai survegnir il premi ils 4 da zercladur - avant ils egls da sia grond'amur, il rustg Kermit, che duai seser en il publicum.

RR novitads 21.00