Siglir tar il cuntegn

Header

cuntegn

Exteriur Onurà il cumbat cunter las pussanzas d'atom

Il premi d’onur da la fundaziun Right Livelihood va quest onn a Tony de Brum e la populaziun da las inslas Marshall en l'Ocean pacific, quai per renconuscher l’engaschi cunter las pussanzas d'atom che na fan betg lur duairs tenor ils contract da bloccada da la furniziun d'atom.

Il premi d'onur vegn surdà per renconuscher lur visiun e lur curascha d'agir cun meds legals cunter las pussanzas, quai communitgescha la fundaziun Right Livelihood Award.

Premis van en il Canada, l'Uganda e l'Italia

  • Sheila Watt-Cloutier
    Legenda: Sheila Watt-Cloutier Stephen Lowe
    La fundaziun surdat ils premis Nobel alternativs 2015 a trais persunas che partan la summa da premi da radund 320'000 euros. La giuria onurescha Sheila Watt-Cloutier dal Canada per ses engaschi nunstunclentaivel per ils Inuit e per mantegnair lur basa da viver ch'è periclitada da la midada dal clima.
  • Kasha Jacqueline Nabagesera
    Legenda: Kasha Jacqueline Nabagesera Christine Dierenbach
    Sco segunda persuna vegn onurada Kasha Jacqueline Nabagesera da l'Uganda che s'engascha per ils dretgs da persunas homosexualas, bisexualas, transgendras ed intersexualas.
  • Gino Strada
    Legenda: Gino Strada emergency
    Il Talian Gino Strada, il confundatur da l'organisaziun Emergency, survegn il premi per stgaffir l'agid d'urgenza medicinal e chirurgic per las unfrendas da conflictgs e malgistadad sco era per ses engaschi cunter las raschuns da guerra.

RR novitads 11:00

Artitgels legids il pli savens