ONU vul leschas d'armas pli severas en ils Stadis Unids

L'ONU intimescha ils Stadis Unids d'applitgar leschas da controllas dad armas pli severas per impedir attentats sco quel ad Orlando.

las bandieras da las naziuns da la onu avant il palais des nations a genevra

Legenda da maletgs: Il «Palais des Nations» a Genevra. Keystone

«Igl è grev da chattar ina raschun raziunala che declera, pertge che glieud po cumprar là uschè simpel armas», ha ditg l'autcumissari da per dretgs umans tar l'ONU, Said Raad Al-Hussein a Genevra.

Ils Stadis Unids stoppian far lur duair per proteger lur abitants meglier da talas attatgas. Questas pudessian vegnir impedidas. Ch'i dettia tuttina talas attatgas sco ad Orlando resultia da leschas dad armas memia luccas.

RR novitads 17:00