La Spagna, l'Egipta e la Nova Zelanda han inoltrà in text per ina resoluziun correspundenta. Quella prevesa da laschar ruassar las armas per set dis per pudair transportar rauba d'agid en la citad. Era la Russia che posseda il dretg da veto e che sustegna il reschim da Baschar al-Assad era s'exprimida cunter ina tala resoluziun.
Avant 3 emnas ha la regenza siriana cumenzà ina gronda offensiva sin l’ost dad Aleppo che vegn controllà da gruppas da rebels.
Novs discurs tranter la Russia ed ils Stadis Unids
La Russia ed ils Stadis Unids vulan da nov discurrer davart la citad cumbattida dad Aleppo en Siria. Quai ha ditg il minister da l’exteriur russ Sergej Lawrow. Ils discurs duajan cumenzar mardi u mesemna a Genevra. Il tema principal dals discurs saja che tuttas gruppas armadas sa retirian da l’ost dad Aleppo.
L'ONU pretenda 22 milliardas per il 2017
Las Naziuns Unidas dovran uschè blers daners sco anc mai per porscher agid umanitar en regiuns da conflicts sco la Siria, il Jemen ed il Sudan dal Sid. Per l’auter onn dovria 22 milliardas dollars per agid umanitar. Quai ha ditg il responsabel per agid d’urgenza da l’ONU davant las medias a Genevra. Quai èn 10% dapli che quest onn. Tut en tut vul l’ONU gidar 93 milliuns umans en passa 30 pajais. En 4 da 5 cas sajan umans responsabels per la miseria e betg catastrofas da la natira.Per l’onn actual veva l’ONU dumandà per medem blers daners, survegnì han els dentant mo la mesadad. |
RR novitads 12:00+