Siglir tar il cuntegn

Header

cuntegn

Exteriur Ollandais din na a la cunvegna da l’UE cun l’Ucraina

Il pievel ollandais ha refusà cleramain la cunvegna da l'UE cun l'Ucraina ed uschia era dà in signal refusant envers l'Uniun europeica. Suenter il resultat provisoric han radund 61% dal pievel votà cunter la cunvegna, che vul ina collavuraziun economica e politica pli stretga cun l'Ucraina.

32% èn sa participads a la votaziun, uschia è cuntanschida la participaziun necessaria da 30%. La votaziun n'è dentant betg lianta per la regenza. Las partidas da coaliziun han annunzià da betg vulair ignorar la veglia dal pievel. Ils ulteriurs 27 stadis da l'UE han gia ratifitgà la cunvegna.

«Dar ina lecziun a l'UE»

Uffizialmain èsi ì tar il referendum per l’acceptanza u la refusa da la cunvegna d’associaziun suttascritta il 2014 tranter l’UE e Kiew. Ils iniziants critics envers l’Europa han però declerà che la relaziun cun l’Ucraina na stettia betg en il center: Els han fatg reclama per in «Nee», per uschia dar ina lecziun a l’Uniun europeica.

RR novitads 06:00

Artitgels legids il pli savens