Siglir tar il cuntegn
cuntegn

Exteriur Offensiva cunter cuntrabandists

L'Italia rinforza sia offensiva cunter il commerzi cun umans. Sin l'insla Sicilia èn vegnids arrestads 15 cuntrabandists probabels.

bartga da fugitivs.
Legenda: La polizia ha identifitgà ils cuntrabandists tranter ils fugitivs arrivads sin l'insla Sizilia. Keystone

La polizia da Palermo haja identifitgà ils cuntrabandists tranter ils passa 700 requirents d'asil africans che sajan arrivads la sonda sin l’insla Sicilia, rapportan medias talianas.

A bord dal bastiment da la marina taliana ch'ha salvà ils fugitivs eran er 12 baras. Ils migrants africans sajan morts sin ina bartga da gumma ch'haja fatg naufragi radund 70 kilometers avant la costa da la Libia.

Ils cuntrabandists sajan vegnids identifitgads da survivents. Ils arrestads derivan da Gambia e Senegal. Els vegnan accusads d’avair prendì memia bleras persunas a bord da la bartga sfundrada.

RR novitads 15:00