130 pajais, tranter quels era la Svizra, èn sa cunvegnids ad ina refurma fiscala.
Latiers tutga in pe da taglia minimal da 15%, sco ch'ils pajais scrivan en ina communicaziun communabla. La Svizra collavura per sviluppar vinavant il project, dentant cun intginas resalvas.
Ils pajais han, sut il tetg da l’Organisaziun da cooperaziun e svilup economic OECD, tractà dapi onns davart questa refurma. Ils daners da taglia dals 100 pli gronds concerns dal mund duain tenor la cunvegna ir pli fitg là, nua che quels fan la svieuta. Las taglias dals pajais fan or var 90% da tut la prestaziun economica mundiala.