Siglir tar il cuntegn

Header

cuntegn

Exteriur Obama tegna ses pled a Suu Kyi

Il president american Barack Obama ha schlià l’embargo economic cunter il Myanmar. En il decret citescha Obama explicit ils «gronds progress» ch’il stadi sidostasiatic haja fatg sin la via tar la democrazia.

Tras questa decisiun po il Myanmar profitar suenter pli che dus decennis puspè da levgiaments da duana. Barack Obama ademplescha uschia ina empermischun fatga a la purtadra dal premi nobel Aung San Suu Kyi.

Durant decennis ha cumandà in reschim militar en il Myanmar ed provocà uschia sancziuns. En l’atun 2010 ha il reschim fatg ina midada surprendenta. Quella midada è sbuccada il november 2015 en las emprimas elecziuns parlamentaras libras. Victura da las elecziuns è stada la Liga Naziunala per Democrazia da Suu Kyi.

RR novitads 11:00

Artitgels legids il pli savens