Siglir tar il cuntegn

Exteriur Obama sustegn Clinton

Suenter sia victoria en il cumbat electoral per la candidatura dal presidi american survegn Hillary Clinton sustegn dal president en uffizi, Barack Obama.

Barack Obama, Hillary Clinton
Legenda: Hillary Clinton dastga quintar cun sustegn dal president en uffizi, Barack Obama. Keystone

El settia da sia vart e sa legira da far il cumbat electoral cun Clinton, ha Obama declerà en in video. «Jau na crai betg ch’i haja insacura dà insatgi uschè qualifitgà per quest uffizi», uschia Obama.

Evitar Donald Trump

Cunquai crescha il squitsch sin il contrahent Bernie Sanders da dar si il cumbat per la nominaziun. Sanders ha però declerà da vulair cuntinuar cun ses cumbat fin tar il di da partida il fanadur. El veglia però lavurar ensemen cun Clinton per evitar ina victoria dal republican Donald Trump.

Ordavant era Sanders s'inscuntrà cun Obama en la Chas'Alva. Sanders haja in'enorma energia e purtà novas ideas, ha ludà Obama.

RR novitads 06:00